Wou kënnt mäin Iessen hier ? Dës Fro interesséiert ëmmer méi Konsumenten a si entscheeden sech fir regional Produiten. Ëmmer méi Produzenten entscheeden sech fir de Modell vun der Direktvermaartung. Mee wéi eng Erausfuerderunge sinn domadder verbonnen ? Derniewent entdecken d’Supermarchéen hirersäits och d’Lokalproduzenten. Wat erreechen si ?
AN DER REGIONALER ARENA :
Jos Schank – Bauer
Als Pionéier an der biodynamescher Landwirtschaft kann de Jos Schanck op iwwer 25 Joer Erfahrung zeréckkucken. De Schanck-Haff huet eng ganz diversifiéiert Produktioun. Nieft verschiddenen Zorte Feldgeméis gëtt um Haff selwer och Kéis a Brout hiergestallt. Een Deel vun der Produktioun vum Schanck-Haff gëtt zu Hëpperdang am Haff-Buttek verkaaft.
Als Pionéier an der biodynamescher Landwirtschaft kann de Jos Schanck op iwwer 25 Joer Erfahrung zeréckkucken. De Schanck-Haff huet eng ganz diversifiéiert Produktioun. Nieft verschiddenen Zorte Feldgeméis gëtt um Haff selwer och Kéis a Brout hiergestallt. Een Deel vun der Produktioun vum Schanck-Haff gëtt zu Hëpperdang am Haff-Buttek verkaaft.
Laurent Schonkert – Administrateur-Directeur vun der Supermarchéschaîne Cactus
D’Supermarchéschaîne verkeeft lokal produzéiert Produiten an duerch hir Serie « Food Hero » versicht si regional engagéiert Producteure méi bekannt ze maachen.
D’Supermarchéschaîne verkeeft lokal produzéiert Produiten an duerch hir Serie « Food Hero » versicht si regional engagéiert Producteure méi bekannt ze maachen.
Thierry Origer – President vu Slow Food
Den Thierry Origer huet Soziologie, Philosophie a Psychologie studéiert. Hie beschäftegt sech scho säit Jore mat der Fro vum Konsum vu regionale Produiten.
Den Thierry Origer huet Soziologie, Philosophie a Psychologie studéiert. Hie beschäftegt sech scho säit Jore mat der Fro vum Konsum vu regionale Produiten.
Pit Reichert – Geméisgäertner
No engem Ofschloss als Kostümdesigner huet hien décidéiert eng Ausbildung als Geméisgäertner ze maachen. 2014 huet hie mat 2 weidere Frënn d’Kooperativ TERRA gegrënnt, déi sech fir de Modell vun der solidarescher Landwirtschaft an der Direktvermaartung vun hirer Geméisproduktioun entscheet huet.
No engem Ofschloss als Kostümdesigner huet hien décidéiert eng Ausbildung als Geméisgäertner ze maachen. 2014 huet hie mat 2 weidere Frënn d’Kooperativ TERRA gegrënnt, déi sech fir de Modell vun der solidarescher Landwirtschaft an der Direktvermaartung vun hirer Geméisproduktioun entscheet huet.