Spectacle Wanja — eng musikalesch wantererzielung

An enger äiskaler Wanternuecht klappt et beim Jeeër Wanja un der Dier. En hallef erfruerenen Hues sicht en Ënnerdaach virun der Keelt. De Wanja léisst den Hues eran, a knapps ass deen ageschlof, klappt et schonn nees un der Dier. Lo freet e Fuuss fir eragelooss ze ginn. Den Hues fäert em säi Liewen, an de Fuuss muss verspriechen, him näischt ze doen. Et dauert net laang, bis et nees dobaussen klappt. E Bier sicht no enger Plaz fir ze schlofen. Dräi Déieren an e Jeeër sollen eng Nuecht zesumme verbréngen. Op dat gutt geet ? Wéi de Wanja wakereg gëtt, mengt en als éischt, en hätt dat alles just gedreemt, mä dunn entdeckt en dobaussen am Schnéi d’Spuere vun den dräi Déieren… E Musektheaterstéck mat Poppen, fir Kanner an Erwuessener, fräi no der Billerbuchgeschicht ​„Es klopft bei Wanja in der Nacht“ vum Tilde Michels a Reinhard Michl (Gustav-Heinemann-Friedenspreis 1986). Mat Auszich aus dem éischte Sträichquartett vum G. Ligeti a Wierker vum S. Sciarrino a G. Kurtag.